لوګر ولایت مرکز او یوشمیرولسوالیو کې د افغان بیسیم مخابراتي شرکت د ۱۲ مخابراتي سایټونو انټرنېټي خدمتونو ظرفیت لوړ شو
د مخابراتو او معلوماتي ټکنالوجۍ وزارت د هدایت پر اساس، د لوګر ولایت د مخابراتو او معلوماتي ټکنالوجۍ ریاست او د افغان بیسیم مخابراتي شرکت په ګډو هڅو د یاد ولایت په مرکز پل علم او د ولسوالیو یو شمیرسیمو (منګوخېلو تپه، د دواخانو لاین د مارکیټونو سیمه، لوګر مارکېټ د رخت پلورنځي سیمه، د محمدآغې ولسوالۍ مس عینک، سفید سنگ، زرغونښار، شکار قلعه کمپ، کمالخېلو کلیو، د ازرې ولسوالي د تنګې درې کلي، د چرخ ولسوالۍ د خواجه غار زیارت کلي، د برکيبرک ولسوالۍ ابراهیمخېلو کلي، د خروار ولسوالۍ د ماني بازار د تپې ګداخېلو کلي) کې د افغان بیسیم مخابراتي شرکت د ۱۲ مخابراتي سایټونو ظرفیت له ۲جي څخه ۳جي ته او له ۳جي څخه ۴جي ته لوړ او ګټې اخیستنې ته وسپارل شول.
د افغان بیسیم مخابراتي شرکت د ۳جي او ۴جي انټرنېټي خدمتونو په فعالیدو سره به د یادو ساحو مشترکین وکولای شي لوړ کیفیت او چټک انټرنېټي خدمتونو ته لاسرسی ولري او خپلې مخابراتي او انټرنېټي ستونزې هوارې کړي.
د یادونې وړ ده چې د لوګر ولایت اوسېدونکو د مخابراتو او معلوماتي ټکنالوجۍ وزارت د کړنو ستاینه وکړه او د نوموړي ولایت د مخابراتو او معلوماتي ټکنالوجۍ ریاست، له هڅو یې خوښي څرګنده کړه.
