له اداري فساد سره د مبارزې پر لاسته راوړنو بحث وشو

Alireza Khaliqyar
دوشنبه ۱۳۹۷/۹/۱۹ - ۱۶:۴۳

https://mcit.gov.af/ps/%D9%84%D9%87-%D8%A7%D8%AF%D8%A7%D8%B1%D9%8A-%D9%81%D8%B3%D8%A7%D8%AF-%D8%B3%D8%B1%D9%87-%D8%AF-%D9%85%D8%A8%D8%A7%D8%B1%D8%B2%DB%90-%D9%BE%D8%B1-%D9%84%D8%A7%D8%B3%D8%AA%D9%87-%D8%B1%D8%A7%D9%88%DA%93%D9%86%D9%88-%D8%A8%D8%AD%D8%AB-%D9%88%D8%B4%D9%88

د مخابراتو او معلوماتي ټکنالوجۍ وزارت مشرتابه د اداري فساد سره د مبارزې په موخه ناسته ترسره کړه. 
په ياده ناسته کې په پېل د انکشافي پروژو مسؤولينو او د وزارت رئیسانو د خپلو فعالیتونو د شفافيت او روڼتيا په اړه معلومات وړاندې کړل. 
د مخابراتو وزارت مالي او اداري مرستيال ښاغلي ‌‌‌‌‌‌ډاکټر هادی هدایتي د مسؤولينو څخه د مننې تر څنګ وویل چې د فساد پر وړاندې مبارزه او د مفسدو کړیو مخنوی د وزارت د مشرتابه له لومړیتونو دي او د غونډې په ګډونوالو يې غږ وکړ چې د شفافیت لپاره د پرمختللو سیستمونو ایجاد او د پروژو په چټک تطبیق کې کوټلي ګامونه پورته کړي.
د يادولو وړ ده چې د اداري فساد د مخنيوي په برخه کې د مخابراتو وزارت کړنې او لاسته راوړنې په کابينه کې د جلالتمآب جمهور رئیس له خوا څو ځله يادې شوي او د وزارت له مسؤولينو يې مننه کړې.