سمنګانو ولایت خلم ولسوالۍ کې د نوري فایبر د نښلولو د کار له جریان څخه څارنه وشوه
د مخابراتو او معلوماتی ټکنالوجۍ وزارت په هدایت، د سمنګانو ولایت د مخابراتو او معلوماتي ټکنالوجۍ ریاست، د مخابراتي خدمتونو د تنظیم ادارې او افغان ټلیکام مخابراتي شرکت ګډ مسلکي ټیم لخوا د خلم ولسوالی ایرګنک دښتې په سیمه کې د ۵۰ کیلومترو په اوږدوالي د نوري فایبر د نښلولو د کار له جریان څخه څارنه تر سره شوه.
د دې څارنې په ترڅ کې د مسؤلینو لخوا د چارو د سم مدیریت په موخه لازمې لارښوونې وشوې، ترڅو چارې د قانون او کړنلارې سره سم ترسره شي.
