زابل ولایت په مرکز او یوشمیر ولسوالیو کې د مخابراتي شرکتونو د انټرنېټي خدمتونو ظرفیت لوړ شو
د مخابراتو او معلوماتي ټکنالوجۍ وزارت په هدایت د زابل ولایت په مرکز قلات ښارکې د اتصالات مخابراتي شرکت د دوو سایټونو انټرنیټي ظرفیت او همدارنګه د نوموړې ولایت په شاه جوی، سیوری او شهر صفا ولسوالیو کې د روشن، اتصلات او افغان بیسیم مخابراتي شرکتونو انټرنیټي ظرفیت ۴جي ته لوړشوی دي.
د نوموړو مخابراتي شرکتونو د انټرنېټي ۴جي خدمتونو په فعالیدو سره به د زابل ولایت مرکز او د یادو ولسوالیو اوسېدونکي وکولای شي لوړ کیفیت او چټک انټرنېټي خدمتونو ته لاسرسی ولري او خپلې مخابراتي او انټرنېټي ستونزې هوارې کړي.
د یادونې وړ ده چې اوس مهال په مرکز قلات ښارکې پنځه مخابراتي شرکتونه ۴جي انټرنېټي خدمتونه وړاندی کوی او همدارنګه د یادو سیمو اوسېدونکو د مخابراتو او معلوماتي ټکنالوجۍ وزارت د دغه نیک اقدام ستاینه وکړه او د نوموړي ولایت د مخابراتو او معلوماتي ټکنالوجۍ ریاست، له هڅو یې خوښي څرګنده کړه.
