زابل ولایت مرکز قلات ښار کې د افغان بیسیم مخابراتي شرکت د پیرودونکو څانګې د فعالیتونو څخه څارنه وشوه
د زابل ولایت د مخابراتو او معلوماتي تکنالوجۍ ریاست له لوري د نوموړي ولایت په مرکز قلات ښار کې د افغان بيسيم مخابراتي شرکت دپیرودونکو ځانګې له نمايندګي څخه د سیمکارتونو د خرڅلاو، ثبت او راجستریشن او د خلکو شکایتونو ته د رسیدنې په موخه څارنه ترسره شوه.
د څارنې په ترڅ کې د نوموړې مخابراتي شرکت یادې څانګې کارکونکو ته لارښوونه وشوه چې د سیمکارتونو د پلور، ثبت او راجسټریشن پرمهال د مخابراتو او معلوماتي ټکنالوجۍ وزارت اترا ادارې کړنلاره په بشپړه توګه پلی کړي او له مخې یې خپلې چارې سرته ورسوي، او خپلو پیرودونکوته لازمې آسانتیاوې برابرې کړي ترڅو د پیرودونکو د ستونزو د حل سبب وګرځي.
د یادونې وړ ده چې زابل ولایت مرکز قلات ښار کې د موجوده مخابراتي شرکت د یادې څانګې مسئولینو ژمنه وکړه چې د مخابراتو او معلوماتي ټکنالوجۍ وزارت اترا ادارې کړنلاره به مراعت کړي او له مخې یې خپلې چارې تر سره کوي.
