د ITU تلويزوین سره ځانګړې مرکه او نړيوالو ته د افغانستان د مخابراتو سکټور د لاسته راوړنو په اړه معلومات
د مخابراتو او معلوماتي ټکنالوجۍ وزیر محترم شهزاد آريوبي، د مخابراتو د نړيوالې اتحاديې د کنفرانس په ترڅ کې مو د ITU تلويزیون سره ځانګړې مرکه تر سره کړه
محترم آريوبي په دغه پروګرام کې په وروستۍ یوه لسيزه کې د افغانستان د مخابراتو او معلوماتي ټکنالوجۍ سکټور د لاسته راوړنو، د راتلونکو پلانونو او پروګرامونو او همدا شان د ملګرو ملتونو او نړيوالې ټولنې سره د افغانستان حکومت د ژمنو او ددغه سکټور اړوند نورو مهمو موضوعاتو خبرې وکړې.
ښاغلي آريوبي وویل ډاډه دی چې په افغانستان کې د مخابراتي سکټور د پراختيا او الکټرونيکي حکومتولۍ د ترويج هوډ موجود دی، نړېواله ټولنه او د مخابراتو نړيوال اتحاديې او نورو دوست هېوادونو په بېلابېلو کنفرانسونو او نړيوالو ناستو کې ژمنې کړي چې د افغانستان سره د نورو برخو تر څنګ د مخابراتو او معلوماتي ټکنالوجۍ په برخه کې لازمې او هر اړخيزه مرستې وکړي.
