د ۱۴۰۵ مالي کال لپاره د مخابراتو او معلوماتي ټکنالوژۍ وزارت د مرکزي دفترونو د اړتیا وړ (۶۵) قلمه قرطاسیې د تهيې او تدارک پروژې د قرارداد د ورکړې پرېکړې اعلان

په دې وسیله، د قراردادونو قانون او د تدارکاتو د کړنلارې له مخې، د عامو خلکو خبرتیا ته رسېږي چې د مخابراتو او معلوماتي ټکنالوژۍ وزارت د ۱۴۰۵ مالي کال لپاره د خپلو مرکزي دفترونو د اړتیا وړ (۶۵) قلمه قرطاسیې د تهيې او تدارک پروژه د کابل ښار، شهرنو، د صدارت څلورلارې کې مېشت آریا سټېشنري لمیټډ سوداګریز شرکت ته د یو میلیون، درې سوه نوي زره (۱,۳۹۰,۰۰۰) افغانیو په ټولیز ارزښت د ورکړې پرېکړه کړې ده.

هغه حقیقي او حکمي اشخاص چې په دې اړه هر ډول اعتراض ولري، کولای شي خپل اعتراض د دې اعلان د خپرېدو له نېټې څخه تر پنځو (۵) تقویمي ورځو پورې، د خپلو دلایلو سره یوځای، په لیکلې بڼه د تدارکاتو ریاست ته، چې د ۱۸ منزله ودانۍ په ۱۴م پوړ کې موقعیت لري، د تدارکاتو د اصولو له احکامو سره سم وړاندې کړي.

دا اعلان د قرارداد د عقد په معنا نه دی، او تر هغه چې پورته یاده شوې موده بشپړه نه شي او ورپسې قانوني مراحل طی نه شي، قرارداد به نه منعقد کېږي.

الحاج حافظ محمد امین جان "عمري"

د مخابراتو او معلوماتي ټکنالوژۍ وزارت مالي او اداري معین