د یو شمیر هټیوالو هټۍ چې د بیلا بیلو مخابراتی شرکتونو سیم کارتونه یی په ناقانونه توګه پلورل د مخابراتو او معلوماتی ټکنالوجۍ وزارت د څارنې ټیم له خوا و تړل شول
د اترا اداري مرستیال ښاغلۍ انجنیر خیر محمد فیضی په همدې اړه په هغه مطبوعاتی کنفرانس کې چې۱۳۹۱ کال د حوت میاشتی په ۸ نیټه د سه شنبی په ورځ د مخابراتو او معلوماتی ټکنالوجۍ وزارت کې جوړ شوی و، وویل: د مخابراتی خدمتونو د قانون حکمونو سره سم په هیواد کې ټول مخابراتی شرکتونه اړ دی چی د سیم کارتونو د راجستریشن بهیر رعایت کړی او د راجستریشن او ثبت څخه پرته په فعاله توګه د سیمکارتونو د پلورلو څخه په کلکه ډډه وکړی. هغه زیاته کړه: د غه اصل ته په کتو سره د اترا اداری د څارنې ټیم د حوت میاشتی په ۶ د قانون ساتندویه ادارو په مرسته یو شمیر هغه لاس پلورونکی او قراردادیان چې د یاد شوی قانون د حکمونو په نه رعایت، فعال مخابراتی سیمکارتونه یی خرڅول نیولی او هټۍ یې مهر لاک کړی دی.
همدارنگه ښاغلۍ فیضی زیاته کړه: د مخابراتی خدمتونو د تنظیم ادارې لخوا د سیمکارتو د راجشتریشن له بهیر څخه په کلکه څارنه کیږی هغه مخابراتی شرکتونه چی د قانون او راجستریشن له بهیر څخه سرغړونه کوی، تثبیت شي هغوی سره به د قانون د حکمونو په مطابق چلند، عدلی او قضایی څانګو ته به معرفی شي هغه و ویل: چی د دې موضوع په تړاو درې تنه قرار دادیان او درې لاس پلورونکی نیول شوی او ددوی هیتی تړل شویدي. د هغه په وینا که چیری د سیمکارتونو د ثبتولو او راجستریشن بهیر په سمه توګه نظر لاندی و نه نیول شی، ملی امنیت او د ښاریانو ژوند ته د ستر ګواښ د پیښیدو لا مل کیدای شي.
د یادولو وړ ده چې د څارل شوی سیمو څخه د روشن کمپنۍ ۲۵۲ ، د اتصالاتو د کمپنۍ ۱۱۴، او د ام ټی ان د کمپنۍ ۱۴۱ مخابراتی سیمکارتونه چی په نا قانون ډول پلورل کیدل لاس ته راوړل شوی.