د کډوالۍ د نړېوال سازمان IOM له مسئولينو سره ليدنه
د مخابراتو او معلوماتي ټيکنالوجۍ وزارت سرپرست شهزاد اريوبي د کډوالۍ د نړېوال سازمان د برنامو مسئولې اغلې سارا کرېګ سره وليدل.
اغلې سارا کرېګ د بېرته راستنېدونکو کډوالو لپاره د بايوميټرک سستم جوړولو، د پولو د مديريت په حل لارو Border Management Solution، مرکزي ډېټابېس او د مستحقو کسانو په پېژندلو کې د مخابراتو او معلوماتي ټيکنالوجۍ وزارت سره په ګډ کار او دوه اړخيزو همکاريو ټينګار وکړ.
سرپرست وزير د کډوالو نړېوال سازمان څخه د اميګرېشن ملي ادارې جوړولو، مرکزي پاسپورټ را منځته کولو او د تذکرې تصديق په برخه کې د همکاريو هيله وکړه او په دې اړه يې په لا ډېرو ناستو تاکید وکړ.
