د کونړ ولایت غازی آباد ولسوالۍ کې د یوه مخابراتي سایټ رغنیز چارې بشپړې شوې
د کونړ ولایت د غازی آباد ولسوالۍ اړوند درین دره کې د یوه مخابراتي سایټ رغنیزې چارې چې موده وړاندې پیل شوې وې بشپړې او د مخابراتو اومعلوماتی ټکنالوجۍ ریاست کډ تخنیکی ټیم له لوري یې څارنه ترسره شوه.
یاد مخابراتي سایټ چې دغازی آباد ولسوالۍ د محرومو سیمو د پوښښ په موخه د اترا ادارې د لسمې پروژې له مخې پلان شوی و اوس مهال یې رغنیزې چارې بشپړې شوي چې لنډه موده کې به د افغان ټلیکام مخابراتي شرکت سلام شبکه خپل خدمات پیل کړي، چې له مخې به یې غازی آباد ولسوالۍ درین دره کی او شاوخوا سیمې له انټرنتي او مکالماتي آسانتیاو برخمنې شي.
