د کاسا ډیجیټل رئیس د مخابراتو او معلوماتي ټکنالوجۍ وزارت څخه د مخه ښې مراسم
د مخابراتو او معلوماتي ټکنالوجۍ وزارت د کاسا ډیجیټل رئیس ښاغلي محمد فواد انورزي چې له خپلې دندې استعفا ورکړې د مراسمو په ترڅ کې چې د مخابراتو او معلوماتي ټکنالوجۍ وزیرې معصومه خاوري او د وزارت یو شمیر رئیسانو په ګډون جوړ شوي وو په رسمي ډول خدای پاماني وکړه.
آغلې معصومې خاوري د کاسا ډیجیټل په پروژه کې د ښاغلي انورزي د دریو کالونو د لاسته راوړنو او فعالیتونو ستاینه وکړه او د افغان ټلیکام د عمومي رئیس په توګه هغه ته یې د نوي دندې د مبارکۍ ویلو پرمهال د مخابراتو او معلوماتي ټکنالوجۍ وزارت او افغان ټلیکام ترمنځ پر دوامدارو همکاریو ټینګار وکړ.
ښاغلی انورزی د ولسمشر د فرمان له مخې د افغان ټلیکام مخابراتي شرکت د عمومي رئیس په توګه ټاکل شوی دی.
مراسم ښاغلي محمد فواد انوري ته د ستاینلیک په ورکولو سره پای ته ورسیدل.
