د کابل ښاروالۍ خدماتو د الکټرونيکي سازۍ لپاره ګډه ناسته

Author image
Alireza Khaliqyar
سه‌شنبه ۱۳۹۸/۴/۲۵ - ۱۶:۱۳
Acting minister of Communications and IT meets with Kabul Mayor

د مخابراتو او معلوماتي ټکنالوجۍ وزارت سرپرست محترم محمد فهیم هاشمي د کابل ښاروال محترم احمد ذکي سرفراز سره د لیدنې تر څنګ د کابل ښاروالۍ خدماتو د الکټرونيکي سازۍ په اړه خبرې وکړې.

په دې ناسته کې کابل ښاروال محترم سرفراز د وزارت د همکارۍ غوښتنه وکړه چې د ښاروالۍ جواز اخیستنې، عامه خدماتو او کابل ښار د تنظیف ریاست د مخابراتو او معلوماتي ټکنالوجۍ وزارت د الکټرونيکي سازۍ برنامې تر چتر لاندې راشي او زیاته يې کړه چې په دې برخه کې ښاروالي د وزارت له هڅو او پرمختګونو مننه کوي.

د مخابراتو او معلوماتي ټکنالوجۍ وزارت سرپرست ښاغلي هاشمي زیاته کړه چې د مخابراتو او معلوماتي ټکنالوجۍ وزارت د ټولو وزارتونو او دولتي ادارو سره همکارۍ ته ژمن دی او خوښ دی چې د کابل ښاروالۍ سره د همکارۍ زمينه برابرېږي، تر څو د کابل اوسېدونکي د ښاروالۍ د الکټرونيکي خدماتو څخه برخمن شي.

په دې ناسته کې ښاغلي هاشمي همدا راز د آسان خدمت ادارې په همکارۍ ټينګار وکړ، زیاته يې کړه چې د ښاروالۍ خدماتو د الکټرونيک سازۍ په برخه کې به هېڅ ډول مرسته ونه سپموي او د خدماتو وړاندې کولو په مېکانیزم به کلکه څارنه وکړي

تازه خبرونه

یکشنبه ۱۳۹۸/۱۰/۲۹ - ۱۱:۱۷
Background image

د انترنیټ بیو پر راکمولو د مخابراتو او معلوماتي ټکنالوجۍ وزارت ټینګار

نن شنبه د ۱۳۹۸ کال د مرغومې میاشتې ۲۸ نېټه، د مخابراتو او معلوماتي ټکنالوژۍ سرپرست وزیر محمد فهیم هاشمي، د اترا ادارې له تخنیکي مرستیال انجنیر نقیب الله سېلاب سره د لیدنې په ترڅ کې، د. . .

چهارشنبه ۱۳۹۸/۱۰/۱۸ - ۱۷:۳۵
Background image

په مخابراتو وزارت کې، د افغانستان اساسي قانون د تصویب شپاړسمه کلیزه ولمانځل شوه:

نن چهار شنبه د ۱۳۹۸ کال د مرغومې میاشتې ۱۸ نېټه، په مخابراتو او معلوماتي ټکنالوجۍ وزارت کې د مشرتابه هییت، د اساسي قانون پلې کولو خپلواک کمیسیون غړو او یو شمېر رییسانو په ګډون، د اساسي. . .

دوشنبه ۱۳۹۸/۱۰/۱۶ - ۱۶:۵
Background image

د پوهنې اصلاحاتو په ملي سمپوزیم کې، د مخابراتو او معلوماتي ټکنالوژۍ سرپرست وزیر ګډون:

 

 

د مخابراتو او معلوماتي ټکنالوژۍ سرپرست وزیر محمد فهیم هاشمي، نن دوشنبه د ۱۳۹۸ کال د مرغومې میاشتې۱۶ نېټه، «د غوره اصلاحاتو- او پرمختللی معارف» تر شعار لاندې، د پوهنې وزارت په ملي. . .

بېرته خبرونه ته