د ډیجیټل سازۍ په برخه کې د "کابل ولایت ډیجیټل همغږی کونکي ریاست" طرحې، پراختیایی پروژې او کړنې

۱- د کابل (د شمال، سهیل او ختیځ) په لار د نوري فایبر غزولو مسلې تعقیب؛ د افغان ټلیکام مخابراتي شرکت لخوا کلکان، قره باغ، سروبي، میربچه کوټ او چهار آسیاب ولسوالیو کې د نوري فایبر غزولو کار پیل شوی دی او د روان مالي کال په آخر کې به پای ته ورسیږي.

۲- د معلوماتي ټکنالوجۍ، مخابراتو او ساینس وزارت د ستراتیژۍ په رڼا کې د کابل ولایت په دوه لرې پرتو سیمو او ۱۴ ولسوالیو کې د سیمه‌ییزو مخابراتي خدمتونو کیفیت تر ٪۹۰ پورې تقویه شوي دي.

۳- د سیمه‌ییزو خلکو د اړتیاوو ارزونې او همکارۍ له مخې په پغمان، شکردره، گلدره، سروبي، استالف، موسهي او خاک جبار ولسوالیو کې د مخابراتي سایټونو تقویه کولو لپاره د عملي فعالیتونو تنظیمول؛ له بده مرغه، په دریو (سروبي، خاک‌جبار او موسهی) ولسوالیو کې د امنیتي ستونزو له امله لاهم له ننګونو سره مخ دی.