د پکتیکا ولایت په زرغون ښار ولسوالۍ کې د افغان بیسیم مخابراتي شرکت ۲جي خدمتونه فعال شول
د مخابراتو او معلوماتي ټکنالوجۍ وزارت د هدایت پر اساس او د پکتیکا ولایت د مخابراتو او معلوماتي ټکنالوجۍ ریاست او افغان بیسیم مخابراتي شرکت په ګډو هڅو د پکتیکا ولایت په زرغون ښار ولسوالۍ کې د افغان بیسیم مخابراتي شرکت ۲جي اینټرنټي خدمتونه د یو لړ مراسمو په ترڅ کې په رسمي ډول پرانیستل شول.
د افغان بیسیم مخابراتي شبکې د ۲جي انټرنېټي خدمتونو په فعالیدو سره د یادې ولسوالۍ اوسېدونکي کولای شي لوړ کیفیت او چټک انټرنېټي خدمتونو ته لاسرسی ولري او خپلې مخابراتي ستونزې هوارې کړي.
د یادې ولسوالۍ اوسېدونکو د مخابراتو او معلوماتي ټکنالوجۍ وزارت د کړنو ستاینه وکړه او د دغه ولایت د مخابراتو او معلوماتي ټکنالوجۍ ریاست له هڅو یې خوښي څرګنده کړه.
د یادونی وړده چی د افغان بیسیم مخابراتي شرکت دیاد سایټ ظرفیت به په نیږدې راتلونکي کې ۳جي ته لوړشي.
