د پکتیکا ولایت د مخابراتو او معلوماتي ټکنالوجۍ ریاست، یو شمیر دولتي ادارو او مخابراتي شرکتونو تر منځ د همغږۍ غونډه وشوه
د پکتیکا ولایت د مخابراتو او معلوماتي ټکنالوجۍ ریاست د یوې غونډې په ترڅ کې د دولتي ارګانونو او مخابراتي شرکتونو له ولایتي مسئولینو سره وکتل.
د همغږۍ په دې غونډه کې د مخابراتي خدمتونو په بېلابېلو موضوعاتو لکه: د مخابراتي شرکتونو د پراختیایي پلانونو، د خدمتونو د کیفیت د ښه والي، د مخابراتي سایټونو د وړتیا د لوړولو، د مخابراتي شرکتونو په مستقیمو او غیر مستقیمو نمایندګیو کې د سیم کارتونو د راجستر کولو د کړنلارې پلي کولو، په لوړه بیه د سیم کارتونو له پلور څخه مخنیوی، د اوسیدونکو د شکایتونو ته رسیدنې، د پرچون پلورونکو لخوا د سکریچ کارتونو او بریښنایی کریډیټ کارتونو (میټیو) ویش، هغو سیمو ته چې تر اوسه د مخابراتي خدمتونو څخه بې برخې دي د مخابراتي خدمتونو د رسولو، د مخابراتي سایټونو او د خدمتونو د وړاندې کولو بنسټونو خوندیتوب، د دغه ولایت د مخابراتو او معلوماتي ټکنالوجۍ ریاست او آترا ادارې سره د مخابراتي شبکو د مسئولینو همغږي، د مخابراتي ټاورونو د نصب او لیږد په اړه خبرې وشوې.
همدا راز ټولو مخابراتي شرکتونو ته لارښوونه وشوه چې د پورتنیو مسایلو په پام کې نیولو سره خپلې چارې د آترا ادارې د کړنلارې مطابق ترسره کړي.
بودجې له لارې د نویو سایټونو د جوړولو په اړه معلومات ورکړل او ژمنه یې وکړه چې خپلې ټولې چارې به د نوې کړنلارې مطابق د مخابراتو ریاست او اترا ادارې سره په همغږۍ ترسره کړي.
د یادونې وړ ده چې د یاد ولایت په ټولو ۲۴ ولسواليو کې د مخابراتو او معلوماتي ټکنالوجۍ وزارت د اترا ادارې په مالي مرسته د سلام مخابراتي شبکې د ۲۵ سايټونو د جوړولو چارې به ډېر ژر بشپړې شي چې له دې سره به د پکتيکا ولایت ټولو ولسواليو ته د سلام شبکې مخابراتي او انټرنټي چوپړتیاوې ورسېږي.
