د پکتیکا ولايت په شکین ولسوالۍ کې د یوه مخابراتي سایټ د جوړولو سروې ترسره شوه
د هیواد لرو پرتو سیمو ته د مخابراتي او انټرنټي آسانتیاو د برابرولو په موخه د پکتیکا ولايت شکین ولسوالۍ اړوند رډانو سیمه کې د روشن مخابراتي شرکت یو سایټ چې د مخابراتو او معلوماتي ټکنالوجۍ وزارت محترم مقام د ځانګړي هدایت پر اساس منظور شوی و د یاد ولایت د مخابراتو او معلوماتي ټکنالوجۍ ریاست د مسلکي او تخنیکی ټیم له لوري یې سروې ترسره شوه او د جوړولو عملي چارې به یې هم ژر پیل شي.
د یاد مخابراتي سایټ په جوړیدو سره به د شکین ولسوالۍ د اوسېدونکو مکالماتي او انټرنټي ستونزې حل شي.
د یادونې وړ ده پکتیکا ولایت ته د مخابراتو او معلوماتي ټکنالوجۍ وزارت د رهبرۍ د سفر په ترڅ کې یاد ولایت ته د منظور شویومخابراتي سایټونو له ډلی څخه تر دې مهاله د لسو مخابراتي سایټونو د سروې چارې ترسره شوي دي .
