د پکتيکا ولايت د مخابراتو او معلوماتي ټکنالوجۍ ریاست، اترا ادارې نماینده او د محلي راډيو مسئولينو ترمنځ غونډه شوه
پدې غونډه کې راډیو سټیشنونو د بانډ پاس فیلټر وسيلې پر نصب او د فریکونسیو اړوند موضوعاتو پۀ هکله خبرې وشوې.
همداراز يادو مسئولينو ته د راډيو د ټاور او فریکونسیو د جوازليک اخېستو او تمدید پۀ اړه لازمې سپارښتنې وشوې.
د راډیو سټېشنونو مسئولين پۀ نوبت ياده ناسته کې د خپلو راډيويې نشراتي پوښښ پۀ اړه معلومات وړاندې کړل او ټولو ژمنه وکړه چې د مخابراتو او معلوماتي ټکنالوجۍ وزارت د اترا ادارې ټولې پرېکړې او هدايات به عملي کؤي.
د يادؤنې وړ ده چې راغلو یادو مسئولينو ته د هر ډؤل همکارۍ ډاډ هم ورکړل شو.
بانډ پاس فلټر يوه داسې وسيله ده چې لۀ مخې به ئې د راډيو نشراتي پوښښ قوي، غږ به يې شفاف او نورو همجوارو فریکونسیو ته به هيڅ ډول خنډ او اخلال نۀ پيدا کؤي. همداراز، ټولې خپرؤنې به يې قانوني بڼه ولري.
