د پنجشیر ولایت په مرکز او یو شمیر ولسوالیو کې د مخابراتي او انټرنیټي خدمتونو د ارزونې (ډرایف ټسټ) عملیه تر سره شوه
د مخابراتي او انترنټي خدمتونو د وړاندې کولو په برخو کې د ستونزو او نیمګړتیاو د موندلو او د دغو خدمتونو د کیفیت د ښه والي په موخه د مخابراتو اومعلوماتي ټکنالوجۍ وزارت آټرا ادارې تخنیکي ټیم له لوري د پنجشېر ولایت د مخابراتو او معلوماتي ټکنالوجۍ ریاست په همغږۍ د دغه ولایت په مرکز، رخې او عنابې ولسوالیو کې د ډرایو ټسټ دستګاه په ذریعه د مخابراتي او انټرنیټي خدمتونو د کیفیت د اندازه کولو عملیه ترسره کړه.
د ډرایف ټیسټ په ترسره کولو، هغه سیمې چې مخابراتي او انټرنیټي خدمتونه پکې کمزوري یا ستونزې لري، پیژندل کیږي او د مقام له هدایت سره سم مخابراتي شرکتونو سره شریک او مخابراتي شرکتونه مکلف کېږي چې د خپلو خدماتو کیفیت کې ښه والی راولي.
