د پنجشیر ولایت عنابې ولسوالۍ کې د سلام مخابراتي شبکې د سیمکارټونو د خرڅلاو له بهیر څخه څارنه ترسره شوه

د مخابراتو او معلوماتي ټکنالوجۍ وزارت د لارښوونې پر بنسټ، د هغو سیمکارتونو چې د سلام  مخابراتي شرکت له لوري د پنجشیر ولایت استازولیو ته لېږل شوي، د خرڅلاو له بهیر څخه د کنټرول په موخه د یاد ولایت د مخابراتو او معلوماتي ټکنالوجۍ ریاست له خوا څارنه ترسره شوه.

د څارنې په ترڅ کې څرګنده شوه چې تر اوسمهاله د پنجشیر ولایت د پیرودونکو استازولیو لپاره د مخابراتي شکبو له لوري استول شوي سیمکارټونه د مخابراتو او معلوماتي ټکنالوجۍ وزارت اټرا ادارې د کړنلارې سره سم پلورل کیږي.

دیادونی وړده چې د مخابراتو او معلوماتي ټکنالوجۍ وزارت ولایتي ریاستونه او نظارتي ټیمونه وخت په وخت د هېواد په ټولو برخو کې له مخابراتي چوپړ څخه څارنه ترسره کوي څو د خدماتو په وړاندې کولو کې خنډ او ځنډ رامنځته نه شي.