د هیواد د مرکزی او شمال ختیځ ولایتونو د نوری فایبر پروژه لاسلیک شوه

د مخابراتو او معلوماتي تکنالوجۍ وزارت د هیواد د مرکزي او شمال ختیځ ولایتونو د نوری فایبر پروژه له درې شرکتونو (ZTE ،GHI، RHCC) سره لاسلیک کړه.

د مخابراتو او معلوماتي تکنالوجۍ وزارت تخنیکی مرستیال انجنیر بریالي حسام د یو مطبوعاتي کنفرانس په ترڅ کې چې د ۱۳۹۱ کال د لیندی میاشتې ۱۲ مه په یاد وزارت کې جوړ شوی ؤ  وویل: د نوموړي قرار داد لاسلیک موخه په هیواد کې د معلوماتي ټکنالوجۍ پراختیا او دافغانستان په ټولو سیمو کې د مخابراتي بنسټونو پراختیا او جوړول دي. هغه زیاته کړه د مخابراتو او معلوماتي ټکنالوجۍ وزارت له څو کلونو راهيسې هڅې پیل کړي ترڅو د نوري فایبر خدمتونه د هیواد ټولو سیمو ته ورسوي چې تر دي مهاله په دوو  پړاؤنو کې  اول پړاؤ په ۱۶ ولایتونو او په دوهم پړاؤ کې په ۴ ولایتونو کې کار بشپړ شوی دی.

همدارنګه ښاغلي حسام وويل:د مخابراتو وزارت د پراختیایی پروګرامونو له لړی سره سم  دا دی د بامیانو، دایکندی، تخار، بدخشان، غور ولایتونو مرکزونه  او د یادو ولایتونو  13 ولسوالی د نوری فایبر پروژو قرارداد د ګټونکو شرکتونو سره په درې لاندي کڅوړو کې لاسلیک کوي:

لمړی :  د SDH د سیستم، ډیزلی جنراتورونو، ACS ، د نقلیی وسایل او د اړتیا  نور توکي د نوری فایبر پر بنسټ د Backbone Connectivity د پراختیا د مرکزی او شمال – ختیځو ولایتونو د نښلولو په منظور د داوطلبۍ د قانونی بهیر وروسته د دغې پروژې قرار داد  د ZTE چینایی شرکت ته د (5.026.270.27  امریکایی ډالره) په ارزښت،  چې  د شرایطو وړ ټیټې بیې وړاندې کوي ورکول کیږي.

دویمه:  دبامیان، دایکندی، غور او 10 ولسوالیو(شینواری، سیاهگرد، شیخعلی، شیبر، یکاولنگ، پنجاب، لعل و سرجنگل، دولتیار، وارس، شهرستان) د نښلولوپه موخه د نوری فایبر د کیبلونو، د OSP پایپونو/ سیمه ایزو خدمتونو تیارول، درول او په لاره اچول. د داوطلبۍ د قانونی بهیر وروسته د دغې پروژې قرار داد په  (JV) ګډ هندی استر خصوصی کمپنۍ په ګدون د(Gulf Homebase International Construction Company) چې یو افغانی کمپنۍ ده  د (13.722.971.88 امریکایی ډالره) په ارزښت،  چې  د شرایطو وړ ټیټې بیې وړاندې کوي ورکول کیږي.

دریمه: د تخار،بدخشان او دریو ولسوالیو (خان آباد،کلفګان او کشم) د نښلولوپه موخه د نوری فایبر د کیبلونو، د OSP پایپونو/ سیمه ایزو خدمتونو تیارول، درول او په لاره اچول. د داوطلبۍ د قانونی بهیر وروسته د دغې پروژې قرار داد  د رستم حیدری شرکت ته چې په لنډه بڼه RHCC نومیږي،  د (4.605.633.76  امریکایی ډالره) په ارزښت،  چې  د شرایطو وړ ټیټې بیې وړاندې کوي ورکول کیږي.

دا پروژې تر دو راتلونکو کلونو پورې به پلي شي چې له مخې به يي افغانستان ۲۵ ولایتونه د نوري فایبر په واسطه سره ونښلول شي  د یادولو وړ ده چې د دغو پروژو ټولیزه بیه 23.354.905.91  امریکايي ډالر کیږي چې د نړیوال بانک لخوا ورکول کیږي.