د هندوستان سټلايټ څخه د ګټې اخیستنې او د افغان سټ ۲ د فعالولو لپاره د هندوستان چمتو والی
پنجشنبه ۱۳۹۸/۳/۳۰ - ۱۵:۵۱
د مخابراتو او معلوماتي ټکنالوجۍ وزارت سرپرست محترم محمد فهیم هاشمی نن د خپل کار په دفتر کې د هندوستان سفیر محترم وينای کُمار سره د لیدنې تر څنګ د دوه اړخيزه اړيکو، د الکټرونیک زده کړو او روغتيايي خدماتو ديجيټلايزیشن په اړه بحث او خبرې اترې وکړې.
د هندوستان سفیر د هندوستان سټلايټ څخه د ګټې اخیستنې او د افغان سټ ۲ د فعالولو لپاره د هندوستان چمتووالی وښود چې هېواد يې د افغان سټ ۲ د فعالولو لپاره سل ميليونه ډالر مرسته کوي.
نوموړي همدا راز زیاته کړه چې افغانستان دې د افغان سټ ۲ څخه د ګټې اخیستنې عملياتي پلان جوړ کړي او د افغان سټ ۲ تر فعالېدو پورې کولی شي، د هندوستان د سټلايټ څخه ګټه واخلي.
د مخابراتو او معلوماتي ټکنالوجۍ وزارت په پام کې لري چې د انټرنېټ سره د ښوونځيو د اتصال د پراختيا زمينه برابره کړي او په هغه سيمو کې چې د نوري فایبر له لارې د اتصال زمينه نه وي برابره، ښوونځي د سټلايت له لارې د پوهنې د شبکې سره وصل شي.
