د هرات ولایت کشک رباط سنګي ولسوالۍ کې د یوه مخابراتي سایټ له رغنیزو چارو څارنه ترسره شوه
د هېواد لرو پرتو سیمو ته د مخابراتي خدمتونو د پوښښ د پراختیا په دوام د هرات ولایت د کشک رباط سنګي ولسوالۍ لک لک خانه سیمه کې د سلام مخابراتي شرکت د یوه سایټ له رغنیزو چارو څخه څارنه ترسره شوه.
یاد مخابراتي سایټ د مخابراتو او معلوماتي ټکنالوجۍ وزارت اټرا اداري د ټي ډي ایف د لسمې پروژې له مخې د رباط سنګي ولسوالۍ محرومو سیمو ته ځانګړی شوی چې جوړېدو سره به یې د لکلک خانه سیمې سربیره نیږدې کلي هم له مخابراتي آسانتیاو برخمن شي.
