د نیمروز ولایت د دلارام ولسوالۍ څخه د فراه ولایت فراه رود ولسوالۍ په لوري د نوري فایبر د غځولو پروژه پرانیستل شوه
د مخابراتو او معلوماتي ټکنالوجۍ وزیر ښاغلي الحاج مولوي نجیب الله حیات حقاني د هدایت په اساس د هیواد د نوري فایبر حلقوي رینگ د بشپړولو په موخه د نیمروز ولایت د دلارام ولسوالۍ څخه د فراه ولایت فراه رود ولسوالۍ په لوري د نوري فایبر د غځولو پروژه د نیمروز ولایت د مخابراتو او معلوماتي ټکنالوجۍ رئیس محترم مولوی عبدالرحیم فیاض یو شمیر امارتی ادارو مسئولینو او قومي مشرانو او مخورو په حضور کې پرانیستل شوه.
د دې پروژې په پیل سره به ځوانانو او هېوادوالو ته د کار زمینه برابره او په بشپړیدو سره به یې دیادو سیمو په اوږدوکی اوسیدونکي له لوړ سرعت او ښه کیفیت انټرنیټي خدمتونو څخه برخمن شي.
یاده مهمه پروژه چې (۷۰) کیلومتره اوږدوالي لري او په ټاکل شوې موده کې به بشپړه او ګټې اخیستنې ته وسپارل شي.
د يادونې وړ ده، چې د یادو سیمو اوسېدونکو د مخابراتو او معلوماتي ټکنالوجۍ وزارت د دغه اقدام څخه قدرداني او خوښي څرګنده کړه.
