د ملي تدارکاتو ادارې رییس د مخابراتو او معلوماتي ټکنالوجۍ وزارت سرپرستې سره آنلاین خبرې وکړې
چهار شنبې، د تلې ۹ مه
د روان ۱۳۹۹ کال د تلي میاشتې په ۹ مه نیټه د ملي تدارکاتو مشر ښاغلي الهام عمر هوتکي د مخابراتو او معلوماتي ټکنالوجۍ وزارت سرپرستې آغلې معصومې خاوري سره ویډیويي خبرې وکړې.
په یاده لیدنه کې ښاغلي هوتکي د مخابرتو وزارت سرپرستې آغلې خاوري ته د هغې د نوې دندې مبارکي وویله او ډواړو لوریو د تدارکاتی اجرااتو ګړندی کولو او د شته ننګونو د حل څرنګوالی په اړه خبرې وکرې.
د مخابراتو وزارت سرپرستې دغو پروژو اهمیت ته په اشارې سره د تدارکاتی پروژو پر وخت بشپړیدل د مخابراتو وزارت بریا او هیوادوالو ته د ښو خدمتونو وړاندې کولو لپاره مهم وبلل.
همداراز ښاغلي هوتکي د خپلو اړوندو ادارو د مرستو او همکاریو ډاډ ورکړ, او دواړو خواوو په دوه اړخیزو همکاریو ټينګار وکړ.
