د مخابراتو وزارت کې د وزارتونو او ادارو د ډیجیټل کولو غونډه جوړه شوه
دا ناسته د مخابراتو او معلوماتي ټکنالوجۍ وزیرې معصومه خاوري په مشرۍ د وزارت د پالیسۍ او پروګرامونو مرستیال او بیلابیلو څانګو رییسانو، د عامې روغتیا، لوړو زده کړو، پوهنې، مالیې وزارتونو وزارت سلاکارانو او کارپوهانو، د ملي احصائیې ، د افغانستان بانک، ملي راډیو او تلویزیون د استازو په ګډون د پوهې، ستراتیژۍ، نوښت او ډیجیټل اختراعاتو د ښه والي په اړه د ولسمشر لارښوونې د پلي کولو په موخه جوړه شوې وه.
لومړی، آغلې خاوري په خپلو خبرو کې د مخابراتو وزارت موخو او د وزارتونو او څانګو ډیجیټل کولو باندې د حکومت مشرتابه ټینګار ته په اشارې سره له اړوندو ادارو څخه د لا جدي او ډیرو همکاریو غوښتنه وکړه. آغلې خاوري د اوسني حالت څخه تیریدل او ډیجیټل ټولنې ته رسیدل د اوسني عصر اړتیاو په توګه یاد کړ.
د مخابراتو وزارت د پالیسۍ او پروګرامونو مرستیال ښاغلي احمد مسعود لطیف رای د (ډیجیټلي پوهې، ډیجیټل ستراتیژي، په چارو کې ګړندیتوب، د څارنې په چارو کې پرمختګ، ډیجیټلي نوښت او کار رامنځته کولو) په برخو کې د ولسمشرۍ عالی مقام د لارښوونو په اړه خبرې وکړې او لازم معلومات یې وړاندې کړل.
د ګډونکي ادارو استازو هم د خپل نظرونو د شریکولو ترڅنګ د دغو موخو لاسته راوړلو لپاره د همکاریو ژمنه وکړه.
