د مخابراتو نړېوالې اتحاديې د ارشد مشاور سره د وزارت لاسته راوړنې شريکې شوې
یکشنبه ۱۳۹۷/۱۲/۵ - ۱۱:۴۶
د مخابراتو او معلوماتي ټکنالوجۍ وزیر محترم شهزاد آريوبي، نن د مخابراتو او معلوماتي ټکنالوجۍ وزارت د مشرتابه پلاوي سره یوځای، د آسيايي هېوادونو لپاره د مخابراتو نړېوالې اتحاديې (ITU) د ارشد مشاور محترم سمیر شرما سره د لیدنې تر څنګ د مخابراتو او معلوماتي ټکنالوجۍ سکټور د لاسته راوړنو او خپلو راتلونکو پلانونو په اړه مفصل معلومات شریک کړل.
په دغه لیدنه کې د سیستمونو د معلوماتو د امنيت، الکـرونيکي حکومتدارۍ، په انټرنټ کې د ماشومانو د خونديتوب پاليسۍ، معلوماتي ټکنالوجۍ کې د مېرمنو د ونډې او سيمه ييز اتصال په اړه هر خيزې خبرې وشوې.
محترم سمير شرما د وزارت د فعالیتونو څخه د خوښۍ تر څنګ يادونه وکړه چې د مخابراتو نړېواله اتحاديه د افغانستان لپاره د پايداره پراختيايي اهدافو (SDGs) د پلي کولو په برخه کې مرسته کوي او د الکټرونيکي حکومتدارۍ د ترويج او له معلوماتي ټکنالوجۍ د سمې ګټې اخیستنې په برخه کې هر اړخيزه همکاري کوي.
