د مخابراتو سرپرست وزیر: هرات ولایت د ډیجټل کېدو لوړ ظرفیت لري

ashiq_admin
چهارشنبه ۱۳۹۸/۶/۶ - ۹:۴۶
minister of MCIT in Herat Province

د مخابراتو او معلوماتي ټکنالوژۍ سرپرست وزیر نن سه شنبه، د وږې میاشتې پنځمه نېټه په هرات ولایت کې د فن اوري چټک پرمختګ په ویاړ مراسمو کې وویل، چې هرات د ټکنالوژۍ پرمختګ په برخه کې یو مثال دی او ډېر ژر به دا ولایت په یوه پرمختللي ډیجیټلي ښار بدل شي.
د نوموړي په وینا، په هرات کې د ټکنالوژۍ اسانتیاوو برابروونکې د هیواد اصلي قهرمانان دي او د مخابراتو او معلوماتي ټکنالوژۍ وزارت به تل د دې قهرمانانو ملاتړ کوي.
د مخابراتو سرپرست وزیر له ټکنالوژۍ سره د تړلي پرمختللي ژوند په اړه وویل، د روبوټ جوړونې په سیالیو کې د هراتي پېغلو ګډون او په ښوونځیو کې د نوښتونو پراخې بېلګې، د ټکنالوژۍ په برخه کې د دې ویاړلي ولس د استعدادونو ښکاره بېلګې دې.
د هغه په وینا، د ټکنالوژۍ پرمختګ ستره اړتیا، په دې برخه کې د خصوصي سکټور پانګونه ده، چې هرات په دې برخه کې هم د یوه مثال په توګه یادولای شو.
هاشمي وویل: « هرات د صنعت، پانګونې او ټکنالوژۍ په برخه کې لوړ ظرفیت لري او د مخابراتو او معلوماتي ټکنالوژۍ وزارت هم د دې ظرفیتونو پاللو په برخه کې هر راز ملاتړ ته تیار دید مخابراتو سرپرست وزیر محمد فهیم هاشمي نن سه شنبه، د وږې میاشتې پنځمه نېټه هرات ولایت ته سفر وکړ او د ولایتي ادارې چارواکو په ګډون یې له مخکښو ځوانو علمي کدرونو سره هم لیدنه وکړه.

تازه خبرونه

چهارشنبه ۱۳۹۸/۶/۲۷ - ۸:۵۹
Background image

په هیواد کې د ترانسپورتي خدمتونو د الکترونیکې کیدو په پار، د مخابراتو او ترانسپورت وزارتونو تر مېنځ هوکړه لیک لاسلیک شو.

نن سه شنبه د وږې میاشتې شپږ ویشتمه نېټه، د مخابراتو سرپرست وزیر محمد فهیم هاشمي او ترانسپورت وزیر یما یاري تر مېنځ، د ترانسپورتي خدمتونو او ترافیکي اسانتیاوو د برېښنايي کېدو په موخه. . .

سه‌شنبه ۱۳۹۸/۶/۱۲ - ۱۱:۴۶
Background image

د موټر چلولو ځیرک اجازه لیک، یا لایسنس د وېش لړۍ پیل شوه

د مخابراتو او معلوماتي ټکنالوژۍ سرپرست وزیر محمد فهیم هاشمي، نن شنبه د وږې میاشتې نهمه نېټه د موټر چلولو برېښنايي یا ځيرک لایسنس د وېش ازمایښتي لړۍ پرانیسته:
د پرانیستې په دغه مراسمو کې. . .

چهارشنبه ۱۳۹۸/۶/۶ - ۱۵:۴۱
Background image

د مخابراتو او معلوماتي ټکنالوجۍ سرپرست وزیرد افغان بیسیم شرکت له عمومي رییس احسان الله بیات سره ولیدل

د مخابراتو سرپرست وزیر محمد فهیم هاشمي، نن چهارشنبه د وږي میاشتې شپږمه نېټه د افغان بیسیم له عمومي رییس احسان الله بیات سره یوه ځانګړې ناسته لرله.
په دغه لیدنه کې، ښاغلي هاشمي له. . .

بېرته خبرونه ته