د مخابراتو د نړيوالې اتحاديې د مشرتابه په کنفرانس (ITUPP-Dubai2018) کې ګډون

Alireza Khaliqyar
دوشنبه ۱۳۹۷/۸/۷ - ۱۵:۳۰

https://mcit.gov.af/ps/%D8%AF-%D9%85%D8%AE%D8%A7%D8%A8%D8%B1%D8%A7%D8%AA%D9%88-%D8%AF-%D9%86%DA%93%D9%8A%D9%88%D8%A7%D9%84%DB%90-%D8%A7%D8%AA%D8%AD%D8%A7%D8%AF%D9%8A%DB%90-%D8%AF-%D9%85%D8%B4%D8%B1%D8%AA%D8%A7%D8%A8%D9%87-%D9%BE%D9%87-%DA%A9%D9%86%D9%81%D8%B1%D8%A7%D9%86%D8%B3-itupp-dubai2018-%DA%A9%DB%90-%DA%AB%DA%89%D9%88%D9%86

دوشنبه: ۷ عقرب ۱۳۹۷

د مخابراتو او معلوماتي ټکنالوجۍ وزیر محترم شهزاد آريوبي د اجرائيه رئیس محترم ډاکټر عبدالله عبدالله په مشرۍ د یو لوړپوړه دولتي پلاوي په ترکېب کې په متحده عربي اماراتو کې د مخابراتو د نړيوالې اتحاديې د مشرتابه نړيوال کنفرانس (ITUPP-Dubai2018) کې ګډون وکړ چې د افغانستان د مخابراتي خدماتو د تنظیم ادارې رئیس ډاکټر نجیب عزیزي يې هم ملتيا کوله.

په داسې حال کې چې معلوماتي ټکنالوجي او ارتباطات زموږ ژوند او ټولنې تغيروي، په دغه کنفرانس کې د مخابراتو د نړيوالې اتحاديې د سکرتر جنرال او رهبري پلاوي سربېره د ۱۶۰ څخه د زیاتو هېوادونو د مخابراتو سکټور استازي ګډون کوي چې موخه يې د 2020-2023 کلونو لپاره د یوې کړنلارې او نقشې تعینول دي.

ددغه کنفرانس مهمې موخې د مشرتابه پلاوي، اداري پلاوي او د مخابراتو د نړيوالې اتحاديې د بورډ د غړيو ټانه، د مخابراتي او انټرنيټي خدماتو د پراختيا په موخه د ځانګړي ليدلوري او کړنلارې تعینول او د راتلونکي کال د بودجې تصویب دی.

همدا راز ددغه اتحاديې د مقررو د پلي کېدو په موخه لازم اقدامات، مخابراتي او راډيوي قوانين او پرېکړې ددغه نړيوال کنفرانس د بحث او خبرو مهم ټکي دي چې د روان اکتوبر مياشتې له ۲۹مې نېټې د نومبر تر ۱۶مې نېټې به دوام وکړي.