د مخابراتو او معلوماتی ټکنالوجۍ په وزرات کې کمپیوټر لیب پرانستل شو

د روان 1396 کال د کب د میاشتي په 2 مه نیټه د مخابراتو او معلوماتي ټکنالوجۍ وزارت په مقرریو کې د شفافیت او ظرفیت لوړونې په موخه په دغه وزارت کې د کمپيوټر لیب پرانیسته وکړه. نوموړی کمپیوټر لیب چې اوس مهال ۵۰ کمپیوټرونه پکې ځای په ځای شوي دي، له دې وروسته به پکې د وزارت اړوند دولتي بستونو لپاره په الیکترونیکي او کمپیوټري بڼه ازموینه اخیستل کېږي. پدې سره به په مقرریو کې کاملا د جعل او فساد مخه ډب شي او د وړتیا پر بنسټ به مقررۍ کېږي. 
همدارنګه په نوموړي لیب کې به انلاین روزنیز پروګرامونه، سرټیفیکېشن او نور اړونده کمپیوټري پروګرامونه هم ترسره کېږي. د مخابراتو او معلوماتي ټکنالوجۍ په پام کې لري  په راتلونکې کې په ټولو دولتي ادارو کې دا ډول کمپیوټر لیبونه جوړ او ګټې اخیستنې ته وسپاري.