د مخابراتو او معلوماتي ټکنالوجۍ په وزارت کې د حضرت محمد (ص) د زوکړې ورځ ولمانځل شوه
د مخابراتو او معلوماتي ټکنالوجۍ وزارت تخنیکي مرستیال ښاغلي انجنیرسید احمد شاه سادات، رهبري پلاوي او کارکوونکو د روان ۱۳۹۶ کال د لیندۍ میاشتې په اتمه نیټه د اسلام ستر پیغمبر حضرت محمد مصطفی (ص) د مبارکې زوکړې په لمانځغونډه کې چې د مخابراتو او معلوماتي ټکنالوجۍ وزرات لخوا جوړه شوې وه ګډون وکړ.
په یاده غونډه کې ښاغلي سادات د حضرت محمد (ص) د ستر شخصیت او پاک سیرت په اړه خبرې وکړې او دا ورځ یې سپیڅلې وبلله.
د اسلام ستر پیغمبر محمد (ص) ۵۷۰ زیږدیز کال کې د سعودي عربستان په مکه کې نړۍ ته راغی او د ۴۰ کلنۍ په عمر کې پر پیغمبری مبعوث شو.
د افغانستان په ګډون د نړۍ ټول اسلامي هېوادونه هر کال دا ورځ د صدقې په ورکړې، دعاء او قرآن کریم په ختمونو لمانځي.
