د مخابراتو او معلوماتي ټکنالوجۍ وزیر د کندز ولایت والی سره په خپل دفتر کې لیدنه وکړه
د مخابراتو او معلوماتي ټکنالوجۍ وزارت وزیر ښاغلي الحاج مولوي نجیب الله حقاني د کندز ولایت والی ښاغلي ملا نثار احمد نصرت سره چې د دغه ولایت د مخابراتو او معلوماتي ټکنالوجۍ ریاست رئیس هم حضور درلود وکتل.
دغې ناسته کې د کندز ولایت د مخابراتي ستونزو پر حل او یاد ولایت کې د مخابراتي خدمتونو پر پراختیا خبرې وشوې.
د کندز ولایت والی ښاغلي ملا نثار احمد نصرت د مخابراتو او معلوماتي ټکنالوجۍ د پراختیا او مخابراتی خدمتونو د کفییت لوړولو په برخو کې د مخابراتو او معلوماتي ټکنالوجۍ وزارت له هڅو څخه ستاینه وکړه. او همداراز د کندز ولایت د مخابراتو د وضیعت او ستونزو په اړه یې معلومات د وزارت مشرتابه سره شریک کړل.
د مخابراتو وزارت وزیر ښاغلی الحاج مولوي نجیب الله حقانی، په اوسني وخت کې د مخابراتو او معلوماتي ټکنالوجۍ پر اهمیت رڼا واچوله او ژمنه یې وکړه چې د کندز ولایت د مخابراتي ستونزو په حل او هغو سیمو ته د مخابراتي خدمتونو په رسولو کې چې تر اوسمهاله له دغو خدمتونو بې برخې پاتې دي همکاری وکړي.
د یادونې وړ ده چې مخابراتي خدمتونو پراختیا لپاره لس مخابراتي سایټونه یاد ولایت ته د واحدې منبع له لارې منظور شول.