د مخابراتو او معلوماتي ټکنالوجۍ وزیر د مخابراتو نړیوالې ادارې په غونډه کې ګډون وکړ

د مخابراتو او معلوماتي ټکنالوجۍ وزیر ښاغلي شهزاد آریوبي  دهېواد د مخابراتي سکټور په استازیتوب د مخابراتو نړیوالې اتحادیې (ITU-WSIS) د معلوماتي ټولنې په ناسته کې چې د 2018 زیږدیز کال د مارچ د میاشتې له 20-23  پورې د سویس هیواد په جنیوا ښار کې جوړه شوې وه ګډون وکړ. 

دا غونډه ‌‌‌په کال کې یو ځل ترسره کېږي او پر پرمختلونکو ټکنالوژيکي او مخابراتي سیستمونو باندې بحث کېږي ترڅو د نړۍ هر هېواد وکولای شي دا ټکنالوژي په خپل هېواد کې پلي کړي.
د دغې ناستې له مخې د بورد غړي (وزیران) مکلف دي چې د ملګرو ملتونو عمومي اسمبلۍ اهدافو نه په ګټې اخیستنې د فرصتونو په رامنځته کولو، د ICT پروړاندې د اهدافو تطبیق او دوامدراه پراختیا په منظور او د ستونزو معلومولو لپاره په لوړه کچه د خبرو زمینه برابره کړي او دغه راز په ټولنو کې د معلوماتي ټکنالوجۍ د رغنده نقش لوبولو او د ګټورو کړنلارو تر لاسه کولو په موخه د څو اړخیزه همکاریو رامنځ ته کول یې بنسټیزه موخه ده.

 د سویس هیواد په جینوا ښار کې د معلوماتي ټولنې د سرمشریزې په غونډه کې د مخابراتو او معلوماتي ټکنالوجۍ وزیر ښاغلي شهزاد آریوبي ګډونوالو ته خبرې وکړی. په خپلو خبرو کې یې د انټرنیټ د اهمیت او په افغانستان کې د انټرنیټ د ستونزو په اړه یادونه وکړه. او له ګډونوالو سره یې په افغانستان کې د انټرنیت اوسنی حالت او راتلونکي پلانونه شریک کړل.