د مخابراتو او معلوماتي ټکنالوجۍ وزیر د فرانسی سفیر سره وکتل
د مخابراتو او معلوماتي ټکنالوجۍ وزیر ښاغلي عبدالرزاق وحیدی د روان کال ۱۳۹۴ د سرطان د میاشتې په ۱۵ نیټه د فرانسې جمهوریت له لوی سفیر سره دخپل کار په دفتر کې وکتل.
په دغه لیدنه کې چې د مخابراتو وزارت مالي او اداري مرستیال ښاغلي وهاب الدین سادات هم حضور درلود ، دواړو لوریو د دواړو هېوادونو تر منځ د اړیکو د پراختیااو د افغانستان سره د فرانسې د دوامداره او هر اړخیزه ملاتړ په هکله بحث وکړ.
د مخابراتو او معلوماتي ټکنالوجۍ وزیر په تېرو کلونو کې له افغانستان سره په بېلابېلو برخو کې د فرانسې د همکاريو څخه مننه وکړه.
همدا راز دفرانسې سفیر د خپل هېواد له لوري له افغانستان سره د دوامدار ه ملاتړ او مرستو ژمنه وکړه.
