د مخابراتو او معلوماتي ټکنالوجۍ وزیرې د کوـوین په نړیوال آنلاین کنفرانس کې ګډون وکړ

د مخابراتو او معلوماتي ټکنالوجۍ وزیرې معصومه خاوري په هغه انلاین ناسته کې چې د هندوستان هیواد د روغتیا ملي ادارې او د باندنیو چارو وزارت لخوا د CO-WIN، ډیجیټلي پلاټفورم شریکولو په موخه جوړه شوې وه ګډون وکړ.

دا غونډه د هندوستان دولت د لمړي وزیر نرندرا مودي په خبرو پیل شوه، ورپسې د نورو هېوادونو سکتوري وزیرانو لکه افغانستان، بنګله دېش، بوتان، مالدیف او د یو شمېر نورو هېوادونو مسؤلینو خپل نظرونه او وړاندیزونه د دغې ناروغۍ په وړاندي د نړیوالې هڅونې د مدیریت په اړه سره شریک کړل.

د Co-WIN پلاټفورم یوه پرمختللې ډیجیټلي ټکنالوجي ده چې د نړیوال واکسین لپاره مقیاسی، هراړخیز او پرانیستې پلاټفورم برابروي. همداراز په هند کې د ستر نړیوال واکسین پلي کولو او په لاره اچولو مرسته وکړه.

په دې کنفرانس کې کو وین پلاټفورم شریک او معرفي شو او وپتیل شوه چې دغه پلټفورم د نورو هیوادونو په واک کې هم ورکړل شي.

په دې ناسته کې د کرونا ناروغۍ په ضد نړیوالې مبارزې سربیره، افغانستان ته د هند د ۵۰۰ زره دوزه واکسین مرستې څخه هم قدرداني وشوه.