د مخابراتو او معلوماتي ټکنالوجۍ وزیرې د مخابراتو نړیوالې اتحادیې (ITU) آنلاین ناسته کې ګډون وکړ
د مخابراتو او معلوماتي ټکنالوجۍ وزیرې معصومه خاوري د (ITU) آنلاین ناسته کې چې د مخابراتو نړیوالې اتحادیې او د افغانستان د مخابراتو او معلوماتي ټکنالوجۍ وزارت ترمنځ د لا همغږۍ او همکارۍ په موخه جوړه شوې وه برخه اخیستې وه.
په دې ناسته کې، چې د مخابراتو د نړیوالې اتحادیې د استازو په حضور جوړه شوې وه په راتلونکي کال کې د اتحادیې نړیوال کنفرانس د جوړولو په څرنګوالي، په کنفرانس کې د افغانستان رول او همدارنګه د مخابراتو او معلوماتي ټکنالوجۍ وزارت سره د تخنیکي او ظرفیت جوړونې په برخوکې د دغې اتحادیې په همغږي او همکاریو باندې بحث او د نظرونو تبادله وشوه.
