د مخابراتو او معلوماتي ټکنالوجۍ وزارت وزیر د کونړ ولایت د نورګل ولسوالۍ یو شمېر علماء کرامو، قومي مشرانو او مخورو سره ولیدل

د مخابراتو او معلوماتي ټکنالوجۍ وزارت وزیر ښاغلي الحاج مولوي نجیب الله حیات حقاني د کونړ ولایت د نورګل ولسوالۍ د ولسوال ښاغلي مولوي صاحب عبدالظاهر په ګډون یو شمېر علماء کرامو، قومي سپین ږیرو او مخورو سره د یادې ولسوالۍ په ستونزو او مخابراتي آسانتیاو خبرې وکړې.

د کونړ ولایت د نورګل ولسوالۍ مخورو او سپین ږیرو د یادې ولسوالۍ د مختلفو سیمو په تړاو خپل معلومات او هلته شته ستونزې د مخابراتو او معلوماتي ټکنالوجۍ وزارت وزیر ښاغلي الحاج مولوي نجیب الله حیات حقاني سره شریکې کړې او همدا راز مننه یې وکړه چې تېرو ۳ کلونو د مخابراتي پوښښ په برخه کې د یادې ولسوالۍ ګڼې سیمې له مخابراتي آسانتیاو برخمنې شوي او هغه سیمې چې لا یې هم مخابراتي ستونزې حل نه دي د مخابراتي چوپرتیاو د برابرېدو غوښتنه وکړه.

د مخابراتو او معلوماتي ټکنالوجۍ وزارت وزیر ښاغلي الحاج مولوي نجیب الله حیات حقاني راغلیو علماء کرامو، سپین ږیرو، قومي مشرانو او مخورو ته ښه راغلاست ووایه او د دوی د ستونزو د هواري په موخه یې ډاډ ورکړ او همد راز ډاډ یې ورکړ چې د یادې ولسوالۍ هغه سیمې چې لا هم هلته مخابراتي ستونزې موجودې نه دي د یوه هیأت د ټاکلو وویل چې د هیأت له معلوماتو وروسته به یې د پوښښ لپاره لاس په کار کېږي.

ښاغلي وزیر صاحب د نورګل ولسوالۍ مشرانو ته وویل، د افغانستان اسلامي امارت تېرو ۳ کلونو کې توانېدلی د یوه متوازن انکشاف له مخې د خپلو امکاناتو په اساس د ولسونو خدمت وکړي او مونږ هڅه کړې چې د هېواد ټولو برخو ته خدمت ترسره کړو او دا لېوالتیا د رهبرۍ په ټوله برخه کې موجوده ده.

د مخابراتو او معلوماتي ټکنالوجۍ وزارت وزیر ښاغلي الحاج مولوي نجیب الله حیات حقاني په وینا افغانستان کې له کلونو ناخوالو وروسته اوس فرصت برابر شوی چې دولت او ملت په ګډه د هېواد جوړونې او پرمختګ لپاره سره لاسونه یو کړي او هېواد د سیالانو سیال کړي.

همدا راز دغې ناسته کې چې د کاپیسا ولایت امنیه قومندانۍ قومندان ښاغلي الحاج عثمان ترابي هم ګډون درلود ښاغلي وزیر صاحب د نورګل ولسوالۍ ولسونو ته ډاډ ورکړ چې د کونړ ولایت په شمول د هېواد د ټولو برخو د مخابراتي خدمتونو د کیفیت لوړولو او همداراز محرومو سیمو ته د خدمتونو د رسولو په برخه کې