د مخابراتو او معلوماتي ټکنالوجۍ وزارت د ډاډ ګیرنې پیغام
څرنګه چې زموږ ګران هیوادوال په جریان کې دي د مخابراتو سکتور په تیرو ۹ کلونو کې په چټکه توګه وده او پرمختګ کړی دی.
لاسرسۍ او چټک پرمختګ د مخابراتو په سکتور کې په آسانه توګه لاس ته نه دی راغلی ، د مخابراتو او معلوماتي ټکنالوجۍ وزارت د مخابراتي خدمتونو د پرمختګ په لاره کې سربیره د مالی زیانونو څخه ډیر تکړه انجنیران ، تخنيک کاران او کارکوونکی له لاسه ورکړي دي.
د پخوا په شان د مخابراتو او معلوماتي ټکنالوجۍ وزارت یو شمیر کارکوونکی له لاسه ورکړي چې د روان کال د مرغومی په ۲۰مه نیټه د اسلام او هیواد دښمنانو یو ځل بیا پر مخابراتي تأسیساتو د پکتیکا په ولایت کې ترهګریز بریدونه وکړل چې د یاد ولایت ۴ تکړه کارکوونکی ، چې د خپلې مقدسی دندې په ترسره کولو بوخت ؤ په بی رحمی سره په شهادت ورسول.
د مخابراتو او معلوماتي ټکنالوجۍ وزارت په هیواد مینو بچیانود شهادت په اړه د افغانستان د اسلامی جمهوریت لوړ مقام ، ټول ملت او د شهداؤ کورنیوته د ډاډګیرنې مراتب وړاندې کوي او د الله (ج) له دربار څخه شهداؤ ته د فردوس جنت او ټپیانوته د جمیل صبر او سملاسي روغتیا غوښتنه کوي.
په درنښت
د مخابراتو او معلوماتي ټکنالوجۍ رهبری هیئت
