د مخابراتو او معلوماتي ټکنالوجۍ وزارت د ډاډګیرنې پیغام

د مخابراتو اومعلوماتي ټکنالوجۍ وزارت رهبری هئیت او کارکوونکی هغه ترهگریز بریدونه چې د محرم الحرام د میاشتي په ۱۰مه نیټه د عاشورا  په ورځ په کابل ، مزارشریف او کندهار ښارونو کې ترسره کړل چې له امله یي زموږ یو شمیر بې ګناه هیوادوال شهیدان او ټپیان شول په کلکه غندی.

په افغانستان کې د تاریخ په اوږدو کې ټول قومونه او بیلا بیل مذهبونه د ورونو په ټوګه ژوند کړی او دا لومړی ځل دی چې داسی غم لړل پیښې رامنځته کیږي، دا د هیواد او افغانانو د اتفاق او اتحاد د دښمنانو کار دی.

 خودافغانستان دښمنان دی پوه شي چې په دا ډول کرغیړنو اوبې رحمانه عملونو په ترسره کولود افغانانو په یووالی کې خلل او نفاق رامنځته کولاي نشي .

د مخابراتو او معلوماتي ټکنالوجۍ وزارت رهبری هئیت ددغه پیښۍ قربانیانو ته د خپلی خواخوږی او ډاډګیرنې مراتب وړاندې کوي ، او د لوی خدای (ج) له دربارڅخه  شهیدانو ته فردوس جنت او ټپیانوته د سملاسی روغتیا هیله کوي.

په درنښت

 انجنیر امیر زی سنګین

دمخابراتو او معلوماتي ټکنالوجۍ

سرپرست وزیر