د مخابراتو او معلوماتي ټکنالوجۍ وزارت د مشرتابه هیئت غونډه جوړه شوه
![جلسه هیات رهبری](/sites/default/files/2020-10/whatsapp_image_2020-10-17_at_5.30.54_pm_1.jpeg)
د مخابراتو او معلوماتي ټکنالوجۍ وزارت د مشرتابه هیئت غونډه نن شنبه د تلي میاشتې په ۲۶ مه نیټه د وزارت سرپرستې آغلې معصومه خاوري په ریاست د پالیسۍ او پروګرام مرستیال او بیلابیلو څانګو د رئیسانو په شتون جوړه شوه.
پدې ناسته کې، د بیلابیلو موضوعاتو لکه د مالي پلان چمتو کول، د ۱۴۰۰مالي کال پروژې، د نوري فایبر سره د ښوونځیو نښلول، د MSP پروژې لګښت، لوړو زده کړو وزارت ته د معلوماتي ټکنالوجۍ انستیتوت (ICTI) لیږدول، انټرنټي خدمتونو وړاندې کوونکو شرکتونو ته د تړونونو د لاسلیک واک ورکولو او نورو مسئلو په اړه خبرې تر سره شوې او اړینې پریکړې وشوې.
په پای کې، له تفصیلي بحثونو وروسته، پریکړه وشوه هغه مسایل چې لا نورو بحثونو او ارزونې ته اړتیا لري، د اړوندو څانګو د چارواکو په ګډون کمیټه جوړه او د کړنو او اجرااتو راپورونه دې د وزارت مشرتابه په راتلونکې ناسته کې وړاندې شي.