د مخابراتو او معلوماتي ټکنالوجۍ وزارت د دندو تنظیم د مقررې طرحې په اړه د نظرغوښتنې غونډه جوړه شوه
د مخابراتو او معلوماتي ټکنالوجۍ وزارت د ډیجیټل د مقررې د طرحې او دندو د تنظیم په اړه د نظرغوښتنې غونډه د مخابراتو او معلوماتي ټکنالوجۍ وزیرې معصومه خاوري په مشرۍ او ورسره د مختلفو برخو مسئولینو په ګډون د وزارت د کنفرانسونو په تالار کې جوړه شوه.
په ناسته کې د مخابراتو او معلوماتي ټکنالوجۍ وزیرې معصومه خاوري د دغه طرحې په اهمیت او اهدافو خبرې وکړې او ټولو رییسانو او د دې برخې مسئولینو ته یې سپارښتنه وکړه تر څو د طرحې د بډاینې او نهایي کولو لپاره خپل نظرونه د حقوقي برخې سره شریک کړي تر څو نوموړې طرحه ژر تر ژره وروستۍ شي.
د دې طرحې په وروستۍ کیدلو او تصویب نه ورسته به له یوې خوا د ډیجیټل جوړونې او د معلوماتي ټکنالوجۍ سکتور اړوند د رهبری پروسو په ګډون د مخابراتو او معلوماتي ټکنالوجۍ واکونه او دندې د چارو په مختلفو برخو کې مشخصې شي او د بل اړخه به د سکتوري ادارو په مینځ کې د احتمالي وظیفوي تداخل مخنیوی وکړي.
