د مخابراتو او معلوماتي ټکنالوجۍ وزارت د تېرې یوې اوونۍ په لړ کې د ترسره شویو کړنو او لاسته راوړنو لنډیز:

د مخابراتو او معلوماتي ټکنالوجۍ وزارت له لوري د لوړوزده کړو محترم وزارت ته یو شمیر نوي سیسټمونه جوړ او ګټی اخیستنی ته یې سپارلي همدا راز تېرو ۷ ورځو کې له ولایتي ریاستونو سره په همغږۍ په یو شمېر ولایتونو کې د مخابراتي شبکو د ګڼو سایټونو سروې او انټرنیټي ظرفیت لوړولو په موخه اقدامات شوي دي د مخابراتو او معلوماتي ټکنالوجۍ وزارت د ښوونیزو مرکزونو څخه د هېواد مختلفو ولایتونو کې د شپږ میاشتنیو زده کړو له ترلاسه کولو وروسته یو شمېر کسان فارغ او بري لیکونه ورته ویشل شوي او د مشتریانو د خدمتونو څانګو پرانیستل او د نوري فایبر غځولو لپاره د چارو ترسره کېدل هغه څه وو چې د مخابراتو او معلوماتي ټکنالوجۍ وزارت توانېدلی تېرې یوې اوونۍ کې یې ترسره کړي.
دا ټول اقدامات د مخابراتي سکتور د تقویت او د خدماتو د لوړ کیفیت د تأمین لپاره مهم ګامونه ګڼل کیږي.
د مخابراتو او معلوماتي ټکنالوجۍ وزارت د تېرې یوې اوونۍ لاسته راوړنې په مسلسل ډول خپرې کړي او دلته په خلص ډول نشر ته سپارل کېږي.