د مخابراتو او معلوماتي ټکنالوجۍ وزارت او کورنيو چارو وزارت تخنيکي ټیمونو د آذربایجان د آسان خدمت ادارې څخه لیدنه وکړه

Alireza Khaliqyar
شنبه ۱۳۹۷/۸/۵ - ۱۶:۴۰

https://mcit.gov.af/ps/%D8%AF-%D9%85%D8%AE%D8%A7%D8%A8%D8%B1%D8%A7%D8%AA%D9%88-%D8%A7%D9%88-%D9%85%D8%B9%D9%84%D9%88%D9%85%D8%A7%D8%AA%D9%8A-%D9%BC%DA%A9%D9%86%D8%A7%D9%84%D9%88%D8%AC%DB%8D-%D9%88%D8%B2%D8%A7%D8%B1%D8%AA-%D8%A7%D9%88-%DA%A9%D9%88%D8%B1%D9%86%D9%8A%D9%88-%DA%86%D8%A7%D8%B1%D9%88-%D9%88%D8%B2%D8%A7%D8%B1%D8%AA-%D8%AA%D8%AE%D9%86%D9%8A%DA%A9%D9%8A-%D9%BC%DB%8C%D9%85%D9%88%D9%86%D9%88-%D8%AF-%D8%A2%D8%B0%D8%B1%D8%A8%D8%A7%DB%8C%D8%AC%D8%A7%D9%86-%D8%AF-%D8%A2%D8%B3%D8%A7%D9%86-%D8%AE%D8%AF%D9%85%D8%AA

د افغانستان د مخابراتو او معلوماتي ټکنالوجۍ وزارت د آسان خدمت ادارې او کورنيو چارو وزارت ګډ پلاوي د آسان خدمت ادارې د رئیس محمد نعيم څمکني په مشرۍ د آذربايجان هېواد ته په خپل رسمي سفر کې ددغه هېواد د ټرافيکو او پاسپورټ سيسټمونو د ارزونې او لیدنې په موخه د آذربایجان د آسان خدمت ادارې د مرکزونو څخه لیدنه وکړه. 
د مخابراتو او معلوماتي ټکنالوجۍ وزارت او کورنيو چارو وزارت دغه مشترک پلاويی کې د آسان خدمت ادارې رئیس، د ظرفیتونو لوړولو او حقوقي برخې مسؤلین همدارنګه د کورنیو چارو وزارت د پاسپورت ریاست تخنیکي معاون، د پاسپورت ریاست د آی ټي برخې مسؤل، د ټرافیکي حادثاتو، د جوازسیر، د موټرچلولو د جواز او مالي او اداري آمرین شامل وو.
ددغه سفر په ترڅ کې د افغانستان رسمي پلاوي د آذربایجان د آسان خدمت دریم او پنځم مرکز څخه د لیدنې تر څنګ يې د بشري منابعو، ارزونې، مانیټورینګ او بریښنايي حکومتولۍ د ترويج په موخه جوړو شويو پرزینټشونو کې ګډون وکړ.
د مخابراتو او معلوماتي ټکنالوجۍ وزارت او کورنيو چارو وزارت مشترک پلاوي همدا شان د آذربایجان د کورنیو چارو وزارت په پلان شوې ناسته کې برخه واخیسته او ددوي د پرمختګونو په اړه یې معلومات تر لاسه.
مشترک پلاوي په دغه رسمي سفر کې د پاسپورټ د انلاين سیستم، د موټر چلولو د جواز او جواز سیر د توزیع مراحل چې په نوي ټکنالوژۍ سمبال او جوړ شوي دي له نږدې ولیدل او د اړوندو مسؤولينو سره يې ددغه سيسټمونو د جوړښت په اړه خبرې وکړې چې څنګه کولی شي، ياد سيسټمونه په افغانستان کې هم عملي کړي.
د ویلو ده چې آسان خدمت اداره هم د افغانستان د ټرافيکو سيسټمونو په مدرنيزه کولو کار کوي او ددغه لیدنو په ترڅ کې دوی کولی شي، د آذربایجان له تجربو څخه د خپلو سيسټمونو په جوړولو کې ګټه واخلي.