د مخابراتو او معلوماتي ټکنالوجۍ سرپرست د بامیان ولایت والي سره وکتل
د مخابراتو او معلوماتي ټکنالوجۍ سرپرست ښاغلي محمد فهیم هاشمي نن شنبه د ۱۳۹۹ لمریز کال د چنګاښ میاشتې ۲۱ نیټه د بامیان ولایت له والي ښاغلي سید انور رحمتی سره ولیدل.
په دغه کتنه کې، دواړو لوریو په بامیان ولایت کې د مخابراتو او نوري فایبر پروژې د ښه والی او پلي کولو په اړه خبرې وکړې.
همداراز د بامیانولایت د والي غوښتنې چې د سلام مخابراتي شرکت د 4G خدمتونو د فعالولو، د یکاولنګ- دایکندي ترمینځ د نوري فایبر شبکې غزولو او د افغان ټلیکام مخابراتي/سلام شبکې ځینو سایټونو د بیا فعالولوپه اړه وې د ښاغلي هاشمي لخوا واوریدل شوې او هرکلی وشو.
د مخابراتو وزیر یادونه وکړه چې بامیان ولایت د هیواد یو له لرغونو او تاریخي ولایتونو څخه دی او د مخابراتو وزارت ته ځانګړي ارزښت لري. هغه ژمڼه وکړه چې د یکاولنګ - دایکندي ترمینځ د نوري فایبر شبکې غزولو کار به ډیر ژر پیل شي. ښاغلي هاشمي د غیر فعاله سایټونو د ترمیم لپاره اړونده چارواکو ته لازمه لارښوونه وکړه.