د لوګر ولایت څرخ ولسوالۍ کې د یوه نوي مخابراتي سایټ د جوړولو سروې ؤشوه

د هیواد لرو پرتو سیمو ته د مخابراتي او انټرنټي آسانتیاوو برابرولو په موخه د مخابراتو او معلوماتي ټکنالوجۍ وزارت د پریکړې له مخې د لوګر ولایت د مخابراتو ریاست، د ګډ مسلکي ټیم له لوري څرخ ولسوالۍ په ډبرو کلي کې د ټي ډي اف لسمې پروژې له لارې مخابراتي سایټ د جوړولو لپاره سروې تر سره شوه.

د یاد مخابراتي سایټ د جوړولو عملي چارې به ډیر ژر پیل شي چې د جوړیدو سره به یې د یادې سیمې د اوسیدونکو مخابراتي او انټرنټي ستونزې هوارې شي.

د یادونې وړ ده چې د مخابراتو او معلوماتي ټکنالوجۍ وزارت تېرو ۳ کلونو کې توانېدلی د هېواد ډېری محرومې سیمې له مخابراتي آسانتیاو برخمنې کړي او همدا راز د هېواد هغو سیمو لپاره چې هیڅ راز مخابراتي آسانتیاوې پکې نه وې موجودې، ۵۵۰ مخابراتي سایټونه په نظر کې ونیول چې اوس مهال په یادو ټولو مخابراتي سایټونو عملاً کار روان دی او یو شمېر یې ګټې اخیستنې ته هم سپارل شوي.