د لوګر ولایت د مخابراتو او معلوماتي ټکنالوجۍ ریاست او افغان ټلیکام رسیلر شرکتونو ترمنځ ناسته وشوه
دې ناسته کې چې د لوګر ولایت د مخابراتو او معلوماتي ټکنالوجۍ ریاست او د افغان ټیلیکام د رسیلر شرکتونو موبین نیټ آی سي ټي او کانسیتنټ ترمنځ جوړه شوې وه، د مخابراتو او معلوماتي ټکنالوجۍ وزارت د مخابراتي خدمتونو د تنظیم ادارې (اټرا) د طرزالعمل په اړه هر اړخیز معلومات وړاندې شول.
همداراز د افغان ټلیکام رسیلر مخابراتي شرکتونو مسئولینو ته سپارښتنه وشوه چې د خپل فعالیت پیل کولو لپاره، د فریکونسۍ جواز واخلي او د طرزالعمل سره سم خپل خدمات وړاندې کړي.
د يادونې وړ ده، چې د يادو شرکتونو مسئولينو څرګنده کړه، چې اوسمهال د جواز اخيستلو پروسه په قانوني پړاو کې قرار لري او د جواز تر ترلاسه کولو پورې به له افغان ټيلي کام ټاورونو څخه ګټه اخلي.
