د غزني ولایت په خوګیاڼو ولسوالۍ کې د افغان بېسیم نوی مخابراتي سایټ فعال شو
د غزنی ولایت د خوګیاڼو ولسوالۍ په روبا سیمه کې د افغان بېسیم مخابراتی شرکت نوی ۲ جي او ۳ جي سایټ فعال شو چې د دغه سایټ په فعالیدو سره د دغه ولایت د جغتو ولسوالۍ د قیاغ دره هم په بشپړ ډول د مخابراتی خدمتونو تر پوښښ لاندې راغله.
د افغانستان د اسلامي امارت په راتګ وروسته، دا په دې ولسوالۍ کې څلورم مخابراتي سایټ دی چې فعال شوی دی، یو سایټ یې د روشن مخابراتي شرکت او نور درې سایټونه د افغان بېسیم مخابراتي شرکت پورې اړه لري.
