د عالیقدر امیرالمؤمنین شیخ القرآن و الحدیث مولوي هبة الله اخندزاده حفظه الله تعالی د حکم په اساس د هېواد په ۶ ولایتونو کې د ۵۲ مخابراتي آنټنونو تړون لاسلیک شو

naweed_admin
چهارشنبه ۱۴۰۵/۶/۱۸ - ۱۴:۴۵
وزارت مخابرات افغانستان

د عالیقدر امیرالمؤمنین شیخ القرآن و الحدیث مولوي هبة الله اخندزاده حفظه الله تعالی د حکم په اساس د هېواد په سرحدي او لرو پرتو سیمو کې د مخابراتي پوښښ د پراختیا او د ستونزو د حل په موخه د څه باندې ۴۲۲ میلیونه افغانیو په ارزښت د ۶ ولایتونو، بدخشان، کونړ، ننګرهار، نورستان، پکتیا او خوست په سرحدي سیمو کې د ۵۲ مخابراتي آنټنونو د جوړېدو تړون د مخابراتو او معلوماتي ټکنالوژۍ وزارت د وزیر ښاغلي الحاج ملا عبدالاحد فضلي او د امارتي شرکتونو اړوند افغان ټلیکام مخابراتي شرکت رئیس ښاغلي علي احمد سامند تر منځ لاسلیک شو.

په دغې ناسته کې د مخابراتو او معلوماتي ټکنالوژۍ وزارت وزیر ښاغلي الحاج ملا عبدالاحد فضلي د هېواد لرو پرتو سیمو ته د مخابراتي پوښښ پراختیا او په ځانګړي ډول د سرحدي سیمو د مخابراتي ستونزو حل کول اړین وبلل او ټینګار یې وکړ چې د هېواد په ټولو لرو پرتو او سرحدي سیمو کې دې د مخابراتي پوښښ د پراختیا لپاره به لازم اقدامات ترسره شي او د دغو سیمو د مخابراتي ستونزو د حل لپاره به جدي او عملي ګامونه هم واخیستل شي.

ښاغلي الحاج ملا عبدالاحد فضلي د امارتي شرکت اړوند د افغان ټلیکام مخابراتي شرکت رهبرۍ او غړو ته ډاډ څرګند کړ چې په ټولو اصولي او قانوني مواردو کې ورسره همکار دی او هڅه به کوي چې پر وخت د ستونزو مخنیوی وشي او په ټاکلي وخت یاده پروژه سر ته ورسېږي.

ورته مهال، د امارتي شرکتونو اړوند د افغان ټلیکام مخابراتي شرکت رییس ښاغلي علي احمد سامند، د یادو پروژو د عملي کولو په برخه کې د دغه شرکت پر چمتووالي او ژمنتیا ټینګار وکړ او ویې ویل چې افغان ټلیکام مخابراتي شرکت به هڅه وکړي، څو یادې پروژې په ټاکلي وخت او د قرارداد له شرایطو سره سمې بشپړې او ګټې اخیستنې ته یې وسپاري.

نوموړي زیاته کړه چې د هېواد په سرحدي او لرو پرتو سیمو کې د مخابراتي خدمتونو پراختیا د افغان ټلیکام له لومړیتوبونو څخه ده او دغه شرکت به د مخابراتي پوښښ د پراختیا او د هېوادوالو د مخابراتي ستونزو د حل په موخه خپلو هڅو ته دوام ورکړي.

د یادونې وړ ده تر وړاندې هم د عالیقدر امیرالمومنین حفظه الله تعالی د حکم په اساس د کندهار، هلمند، پکتیکا او زابل ولایتونو په ۱۳ سرحدي سیمو کې د ۳۱ مخابراتي انټنونو تړون هم لاسلیک شوی و.

تازه خبرونه

پنجشنبه ۱۴۰۵/۸/۲۸ - ۱۳:۵۲
Background image

د نورستان ولایت منډول ولسوالۍ کې د سلام مخابراتي شبکې سایټ فعال او ګټې اخیستنې ته وسپارل شو

د هیواد محرومو سیموته د مخابراتي چوپړتیاو د پراختیا په موخه...

پنجشنبه ۱۴۰۵/۸/۲۸ - ۱۰:۲۲
Background image

پکتیکا ولایت کې د درې نویو مخابراتي سایټونو رغنیزې چارې پیل شوې

د یاد ولایت وړممی ولسوالۍ د دوچيني، وازيخوا ولسوالۍ مرجاني او د سروبي ولسوالۍ په مستوی سیمو کې د افغان بیسیم مخابراتي شرکت د ۳ سایټونو د جوړولو...

سه‌شنبه ۱۴۰۵/۸/۵ - ۱۶:۲۳
Background image

کانونو او پټرولیم وزارت کې د رسمي مکتوبونو او سندونو مدیریتي سیسټم د تطبیق لړۍ پیل شوه

په همدې موخه جوړې شوې غونډه کې د مخابراتو او معلوماتي ټکنالوژۍ وزارت مالي او اداري مرستیال ښاغلي الحاج حافظ محمد امین جان عمري د ډیجیټلي مکتوبونو او...

بېرته خبرونه ته