د "سلام" شبکې له مختلفو برخو ليدنه
د مخابراتو او مالوماتي ټيکنالوجۍ سرپرست وزير د سلام شبکې له مختلفو اداري، تخنيکي او تجارتي برخو څخه ليدنه وکړه. سرپرست وزير د سلام له کارکوونکو او اړوند برخو له مسولينو د "سلام" د اوسني وضعيت په اړه خبرې واورېدې او هم يې د اړوند څانګو ارزونه وکړه. تر څنګ يې د افغان ټيليکام د IT برخې، مرکزي پوسته خانې او د مخابراتو وزارت له تخنيکي ميوزيم څخه هم ليدنه وکړه.
اړوند مسولينو ته يې د خدماتو او بهتره مديريت په اړه لازمې لارښوونې وکړې. د سلام او افغان پوسټ لپاره په راتلونکې کې د موډرنو ودانيو او ښه رقابت لپاره د نويو طرحو برابرولو په اړه هدايات وشو.
