د سایبري جرمونه یا Cyber Crime په اړه پوهاوی

په اصل کې سایبر د مجازي او یا غیر ملموس په مانا دی. له همدې امله، د سایبري فضا مفهوم هغه مجازي فضا او د اړیکو شبکې دي چې له مختلفو هاردویرونو لکه کمپیوتر، مبایل، لب ټاپ او ټبلټ څخه په ګټې اخیستنې سره د نښلیدو امکان رامنځته کوي.
د حقوقی په لحاظ، سایبري جرمونه داسې تعریف وو(هر هغه اقدام چې د مجازي فضا له لارې او یا مجازي فضا سره د اتصال وسیلو په کارولو سره ترسره کیږي او د افرادو پیژندل شوي حقونو نه سرغړونه کیږي، سایبری جرمونه بلل کیږي.
یعنی هر هغه څوک چې د چا شخصي، انټرنیټي یا کمپیوټري حریم ته د ننه شي د قانون له مخې په سایبري جرمونو کې ښکېل بلل کیږي.

د سایبري جرمونو په اړه د قانون حکم:

د ۸۹۳ مې مادې د جزا کوډ د باج ګیرۍ یا سایبري جرمونو په اړه داسې وایي.
۱- هر چا چې د کمپیوټر یا د اطلاعاتو خپرولو د سیستم له لارې د چا غږ، تصویر، فلم او یا نور شخصي معلومات د هک کولو پرمټ تر لاسه او د مالي ګټې یا چا د ګواښلو په موخه یې خپاره کړي نوموړي کس به له دیرشو زرو افغانیو څخه نیولي تر شپیتو زرو افغانیو پورې او یا به په بند محکومیږي.
۲- هرچا ته که په جسمي یا معنوي ډول د چا لخوا ضرر ورسیږي او ثبت شي د(۱) فقرې او د دې مادې له مخې په منځني بند محکومیږي.