د ديجيټل کاسا Digital CASA پروژې د عملي کېدو په اړه بحث
یکشنبه ۱۳۹۷/۱۱/۷ - ۱۶:۲۰
د مخابراتو او معلوماتي ټکنالوجۍ وزیرمحترم شهزاد آريوبي نن د خپل کار په دفتر کې په افغانستان کې د نړېوال بانک د مخابراتي مقرراتو ارشد کارپوه محترم Rajendra Singh سره د لیدنې تر څنګ د ډيجيټل کاسا Digital CASA پروژې د اوسني وضعيت او د پلې کولو په اړه خبرې اترې وکړې.
ددغه پروژې موخه د خصوصي پانګوالو هڅونه ده چې د خصوصي پانګونې له لارې سيمه ييژ او داخلي اتصال پراخه او بهتر شي، عامه او خصوصي خدمات د انټرنېټ له لارې یو بل سره ونښلوي.
ددغه موخو د عملي کېدو لپاره زېربنايي کارونه تر سره شوي او سږ کال به پروژه په عملي توګه شروع کېږي چې د ملي پورټال ارتقاء او د الکټرونيکي حکومتولۍ د لومړيتوبونو ټاکل په ګوته کوي.
نړېوال بانک چې ددغه پروژې مالي چارو مسؤوليت په غاړه لري، د خپلې همکارۍ ډاډ را کړ او ژمنه يې وکړه چې پر وخت ددغه پروژې د عملي کېدو لپاره د مخابراتو او معلوماتي ټکنالوجۍ وزارت سره همکاري کوي.
